Fréttir . . .

Kæri lesandi.

Mig langar að segja í stuttu máli frá því sem hefur drifið á daga okkar síðustu mánuðina hjá Fjölskyldunni-Líknarfélagi ses. bæði í okkar eigin lífi og lífi þeirra sem hafa kynnst okkur síðustu misserin.

Vegur til farsældar: Margir eru farnir að kannast við dagatalið okkar og fara mörgum fögrum orðum um það, hvað efnið sé heillandi og tilvalin gjöf sem hentar mörgum. Fólk hringir í okkur daglega til að spyrja eftir dagatalinu góða sem fær það til að brosa að alvöru lífsins og sjá það í jákvæðu ljósi. Það má með sanni segja að þau hafi snert hjörtu margra og dregið fram þætti í lífi þeirra sem þeir höfðu ekki komið auga á fyrr en leituðu ómeðvitað að og hugðust finna.

Umsögn: Ég byrja hvern dag á því að lesa gullmola dagsins á þessum góðu dagatölum. Þetta eru undantekningarlaust góð skilaboð til að hugleiða áður en maður tekst á við daglegt amstur. Ég nota dagatölin mikið til gjafa og veit að þau hafa vakið mikla ánægju.
-- Ragnheiður Björk

Lífsleikni: Lögð hefur verið mikil áhersla á að vinna vel saman, efla samstöðuna á meðal okkar og sýna kærleika í verki bæði í lífi og starfi en það þarf mikla aðlögunarhæfni til að geta lagað sig hvert að öðru og ráða við hinar ýmsu kringumstæður sem stöðugt þarf að takast á við og aðeins Guð getur hjálpað okkur við.
Það er líka að koma út bók á íslensku um jákvæða lífsleikni sem heitir Success with People. Hún á að koma út á næsta ári en er nú þegar fáanleg á ensku eins og margar fleiri bækur sem við gefum út hjá Aurora-Útgáfunni.

Unga fólkið: Ungmennin hafa haldið áfram að koma til okkar og getur stundum verið margt um manninn á bænum, sérstaklega um kvöldmatarleytið. Fólk leggur leið sína til okkar á hvaða tíma sem er og koma sumir til okkar nokkrum sinnum í viku í leit að sannri vináttu, kærleika og gagnkvæmum skilningi sem erfitt er að finna í þeirri nútímaveröld þar sem veikleiki er ekki talin vera dyggð.

Snerting við Guð: Ég trúi því að ég hafi verið fædd með mikla þrá til að skilja lífið og tilveruna en fékk fullvissu fyrir því fyrir rúmum þrátíu árum þegar ég tók á móti kærleika Guðs, Jesú Kristi sem frelsara mínum og ekkert hefur hnikað trú minni síðan. En nýlega gerðist atburður sem breytti lífi mínu jafnvel enn meira á örskömmum tíma og ég öðlaðist nýjan lífskraft til að takast á við erfið mál sem að mér beindust. Svo kom svarið eins og glampandi ljósi væri varpað á mig og ég sæi lífið í annarri vídd og ný sálarorka hefði fæðst innra með mér. Ég varð fyrir því að veikjast eftir flensu um síðustu jól og hlífði mér ekki sem skyldi heldur hélt áfram að knýja mig áfram þrátt fyrir það að mér liði ekki vel. Þessu fylgdi alvarlegur lasleiki sem ég þurfti að takast á við en þegar ég bað til Guðs fann ég dýrðlegan frið streyma í gegnum mig og ég vissi að allt var í lagi og mér væri borgið.
Síðan hef ég tekist á við ýmis andleg mál sem hafa dýpkað sál mína og gefið lífi mínu meira gildi sem ég vil framar öllu geta deilt með öðrum hvenær sem aðstæður leyfa og tækifæri gefast til að hjálpa fólki að finna frið í heimi stríðs og ótta og mikilla þrenginga.
Innilegustu kveðjur til allra stuðningsaðila og margra þeirra sem hafa hvatt okkur í hjálparstarfinu á árinu með fallegum orðum sínum og hlýjum huga.
Með þakklæti óskum við ykkur öllum gleðilegra jóla með ósk um innri frið og farsæld á komandi ári. Guð blessi ykkur.

Guðbjörg Sigurðardóttir

© Copyright 2005 Fjölskyldan-Líknarfélag ses.